|
أهدي هذه القصيدة إلى كل أبناء الشعب اللبناني الى أي جهّة انتموا طالباُ
منهم وهم الان تحت المجهر أن يثبتوا أنهم
أقوى من الفتنة التي تحاك ضدهم
كعب السنديانة
نيويورك
سيتي
نحنا مـا عنـّـا عين في عنـّـا عيون
حتــّـى نظرنــا أوسع وأبعــد يكون
الشجرة إذا بيصفرّ فيهــــا كمّ غصن
مــــا بْيظلموها وينشروا باقي الغصون
-----------------
كنـّـو الغِصِن مكـسور رح يرجع يلوح
وبالهيكــــل المهجور رح بتهبّ روح
وان كان مـات بْريحة جْهنـّم بـِـفوح
وهالموت ع فـروع البقوا مش رح يروح
وبالمطرح اللـّي بْينقبع عـــن شجرتو
الإيـــــام بالنسيان بتغطـّي الجروح
-----------------
لمّا قـْـلِبـِت صفحة، كْـتابي ما انطوى
ولمّا دْعَسِت ع النار، قلبــــي ما انكوى
بيموت غصْن بْينقطــــع منـّوا النوا
وتاني غِصِن بيعيش لــــو مهما التوى
وبتضلْ هاك السنديانــــة واقفـــة
بْوجّ الهوا تضحك علـــى جْـنون الهوا
-----------------
ولـــو بالغلط شي شلش بيّن عم يفيق
من فرشة تــْرابــــو بَعِد نوم الغميق
يمكن بضفرن يجرحو راســو الرقيق
أو ياخدُوو عابيتــــــن يزور الحريق
لكن شلوش الباقيــــة بْـتحرق فين
مِتـلْ الشريفة الحارقــــة وْلاد الطريق
------------------
حتــّى الشجرة تعيـــش وتزتّ السني
خلف السني وجبينها مـــــــا ينحني
كونــوا الشلوش المش رح يأثــّر فين
لو شلْش عـَكـْسْ السيـْـر صبّح ع الدني
------------------
كونـوا الغصون العاليـي فوق الهضـاب
وما يهمـّـكن من غِصْن منـّو العزِمْ غاب
ومن فرشة نـْجوم السما من غِـير وعي
واقــــــع بحيلة عاصفِة يْبوس التراب
------------------
يا غصون هالشجرة الأمل عمرو ما فات
وجزار يللـّـــــي بيضميرو الحقّ مات
كلمـــــا إجا يتحجّج بْرخصة حطب
لازم بوجّـــــــو تشهرو رخصة حياة
------------------
لازم تـْـقولولوا يـــا جزار الجديد
الجايي تـْعلـّـق ملحمِة عـــــا كل عيد
إنـْت جايي مْرخـّص لـْـقطع الوريد
ونحنا فــــــي معنا رخصة العِمْر السعيد
أولك أيَـا منـّن حلال وعـــم تزيد
رهجة حروفـــــــا ع الوراق وعم تفيد
مـــــا بين رخصة عِمْرْ الله ماضيا
ومــــــا بين رخصة دبْح مضيوها العبيد
------------------
يــا رب إنت الحاكـــم الْ ما منغتني
عنـّـك وإلا بْجوهرك مـــــــا منغتني
دمّر شرايــــع هالدنـــي وغاياتها
وخلـّـــــــي شريعة عدلك تعبّي الدني
|
الشاعر المغترب 