بـاي بـاي لحود
الله غضب عـالمجرم وشقّ الفـلا
وعيّن رموش العين حرّاس
الحـلا
وعلّق مشانق عـــاليي للمجرمين
وغصن الأَرِز بمشانق الذلّ
انتـلا
قالوا حريري بــاي، كانوا جاهلين
إنّو البلد ما بْيرخص بْموسم
غــلا
قالوا حريري بــاي، منّن عارفين
إنّو رجع عاش بْشفاعة
هالصــلا
ونحنا عا نغمة صوت قلبو عايشين
وبصوت بيهدّ الجبل جينا
نقــول
باي باي لحود وحريري يا هلا
بْأربعتَعشْ ادار كــان العنفوان
وبنص شهر شباط اعظم يـوم كان
وتاني شباط الشوق قوّى جمرنـا
اشتقنا إلـو وقلوبنا دابت
حنــان
وتاني ادار العدل جايي بْـأمرنا
ورح يشهد عْلينا الحريري
والزمان
مْنِ اليوم ولآخـر نهار بْعمرنـا
بشباط رح نتذكّر غْياب
البطــل
وأدار رح نتذكّر غْياب الجبان
صـواريخ استقلالنا اللـي مقلّعة
أرزة علمنا عــالنجوم
مطلّعــة
ونحنا وفينا متل مـا وعدنا قديم
وقلـوبنا بـالأرز بعـدا
مـولّعة
وغيرنا بلّش مـع النسمة يميـل
وعــم نقشع بْإيدو المبادي مشلّعة
وهالكان ينده شعب لبنان العظيم
لا شايف الشعب ولا شايف عظمتو
ما شاف غير كرسِة رئاسة مخلّعة
لعيون سعد الْ طلّتو طلّــة قمـر
ومن روح بيّو ال بْالسّما
وبس انأمر
بكرا متى شفنـا القضاة بْيفلحـوا
بْأحكامن، وعم ترعد وجايي
المطر
عا قدّ ما بكيوا البشر رح يفرحوا
وكفّ الامان بْيكتف جْناح
الخطـر
عالم ببحر مْــنِ الدموع بْيشلحوا
حالن بعد مــا يقشعوا الحق
انأسر
وعالـم ببحر مْنِ الخيانة بْيسبحوا
لكن في موجة حاملِة معها
الصخور
ورح
تكسر الراس اللي عمرو ما انكسر
بدك عــلاقة مْمَيّزة ومعزّزي
وبــالتلج بتدفّي قلـوب
مقزّزي
وحافظك حِمْلَك هدية عـا طبق
وجَمْعِتكن حْسابات زور
مْهزهزي
وبشّارك اللي شـايفو ورقة حبق
ودمّاتك لْسـقوة وراقـو
محيّزي
بينك وبينو عــا جهنّم في سبق
انشالله إنِتْ رح تسـبقوا
وبيلحقك
وهونيك بتعيشوا العلاقة مميزي
New
York City 2006
الشاعر المغترب 