|
توقعات العام 2012
02 Jan 2012
ما حدا احسن من حدا
توقعاتي لسنة 2012،
هي على الشكل التالي:
شخصياً، انا رح
اربح بـ اللوتو اللبناني وصير مليونير وبدي نفذ احلامي
الخاصة والعامة ومش ضروري خبر عنها حدا.
اما على المستوى
العام يعني الوطني واولاً المسيحي، رح يصير في صحوة
ضمير عند الزعماء المسيحيين ويقرروا يجتمعوا مع بعض
ليل نهار وما يخلصوا الاجتماعات الا ويكونوا يد واحدة
وقلب واحد ومشروع واحد. وطبعاً رح يقرروا كلهن انه ما
يكون عندهن ولاء الا للبنان مش لـ ايران او السعودية
او سوريا .
بدهن الزعماء
المسيحيي يقرروا قطع كل ايد بتبيع قطعة ارض لغير
المسيحيي ولغير اللبنانيي، وبدل ما جماعة الاحزاب
والطلاب والشباب يقوصوا على بعضهن لازم يقوصوا اللي
بيبعوا ارضهن هيك بيريحوا المسيحيين من خلافاتهم
وبيحافظوا على العيش المشترك والوحدة الوطنية.
وبدهن الزعماء
المسيحيي يقرروا يعملوا صندوق مشترك لمساعدة العيل
المسيحية الفقيرة وتنمية الارياف وتعزيز الصمود بالارض
والضيع المهجرة بواسطة التعاونيات والمؤسسات
الاجتماعية، لان المتن وكسروان وبعبدا وجبيل ما عادت
تساع ناس والعالم مكدسة فوق بعضها متل علب السردين.
بدها المدارس
المسيحية (اللي اسمها بس مسيحية) تقرر تعليم الاولاد
مجاناً لمساعدة العيلة المسيحيي على الانجاب، يعني من
الولد الثالث للعاشر مجاناً، لأن هيك رسالة التعليم
المسيحي.
وبدها الكنيسة
المسيحية المارونية والارثوذكسية والبروتستاتنية
والكاثوليك والسريان والكلدان والاقباط يقرروا يبنوا
بيوت للشباب بالشوف وعالية وزحلة والبترون والكورة،
لحتى تشجعهم على الزواج والاستقرار وما يضلوا
يتبهدلوا.
سنة الـ 2012 يمكن
ترجع افواج من المغتربين على لبنان لان الازمة
الاقتصادية العالمية تسببت بأزمات اقتصادية كبيرة بـ
اوروبا واميركا وغيرها.
وبسنة الـ 2012
بدها تتراجع نسبة الهجرة لان كل هالامور اللي رح تصير
رح تخلي الشباب يفكروا مليون مرة قبل ما يقرروا
يهاجروا على بلاد البهدلة.
هيدي بعض التوقعات
اللي يا ريت بتتحقق منشان يبقى لبنان البلد اللي
منعرفه، وطبعاً بعد في كتير اشياء بتمنى تصير حقيقة
ولازم تصير والا مش رح يبقى لبنان هوي لبنان. |
