"تحرّك ضميري" قصيدة رقم 1 من سلسلة قصائد "أبطال كفرعبيدا"

وهي مرفوعة لمثلنا ألأعلى ولأب كفرعبيدا الروحي ورئيس بلديتها الحالي والمستقبلي الاستاذ طنوس فغالي

تحرّك ضميري

تحرّك ضميـــري دقّ فيّي وْقال قوم

                                        الحيّي كْمِشا وسحاب شو فيهــــا سموم

سْحاب السموم وْحطّ مـــــيّ مْقدّسي

                                        تالخيــــــر حتــّـــى بْقلب هالحيّي يدوم

تحرّك ضميــري دقّ فيّي وْقال قوم

                                        شلال نار الحــــــــق مش لازم يصوم

الفكرن إذا حكيـــوا بْيمضوا سْكوتنا

                                        بْقلّن عواد القش مـــــــــا بْتفرط كروم

وحكيُن مـــــــــا بزيد وْبنقـّص قوتنا

                                        وبيوجّ تمّ الراجمي مـــــــــــا لو لزوم

وْيا مْعمّر الضيعة، مـــا رح بيفوتنا

                                        عن صدْرْ ضيعتنا شو شايل مِن غيوم

وْصورتـــــــك مش بس فوق بْيوتنا

                                        مْنستأجــــــــــر نـْجوم السما وْمنـّزِلُن

                  وْمنعلّقك قونـــــــي على صدر النجوم

يـا كفرعبيدا الْ جيبة صْخورك رصيد

                                                                     وْنسمة هواكـــي عْملتها ساعي بَريد                                         

الما حطّ عاجْبينِك وَلا إكليـــــــــل غار

                                                                      مـــــــا يْتاجر بْدمّ الشهادي مِنْ جديد

وْأبطالك اللــــي استشهــدوا عاخط نار

                                                                      قصدن يْخلّوا الذلّ عـــــن بابك بعيد

وْلمّا بتجيكــــــــــي إيــد بيقصدْ العمار

                                                                      مْنقدر مْـنِتخيّل شهيدِك شـــــو سعيد

طنوس يللـــــي بْضيعتي عمّر حجار

                                                                      وعمّر بقلب الكــلّ حبّـــــو وبالوريد

إسمو نِزِل عـــا صفحة رْجال الكبار

                                                                      ومتل الشهيــــد كْرامِة الضيعة بريد

هوّي شهيــــــــد كْفرعبيدا بْإختصار

                                                                      وْمش شرط إنـّو نشوف دمّ بْكفّ إيد

اللـــي بْيشتِغِلْ لَ ضيعتو لْآخر نهار

                                                                      متلو مِتِلْ يللــــــــي وَقـَع بالمعركي

                       ع الصخـْرْ إسمـو مْنكتب مْـنحفر شهيد

عــم يلعبوا بيإسمنـا وْعـــــــــم ينزلوا

                                                                      ع بْيوتنــا وْخنجر غـَدِرْ عم يحملوا

قيصر الماضـــــي امبراطور وْخِطِي

                                                                      المرّ شرّبنـــــا وْشِرِبْ هوّي الحِلو

وْمن بَعْدْ مــا التاريــخ خطواتو خطي

                                                                      ما ضلّ فـــي بالوجّ غير وجّ الحِلو

يعني بقي قيصر فغالي اللــــي عِطِي

                                                    طنـّوس يللـــــــــــــــــــي لقمتـــو منـّا إلو

      كتبت في كفرعبيدا

 قرية الابطال وقرية الاستاذ طنوس قيصر

                                                                      21-05-2010