|
تنشر لأوّل مرّة
دمعة رئيس مجلس
الشعراء الشاعر
أنيس زبيدي
على عملاق الفن والاخلاق المعجزة
وديع الصافي.
عَا لَلهْ تعُودْ عا
لَلهْ
يا وديع،
رَايـح !؟ لْوِيْنْ رَايحْ، شو باك؟
ما عْرِفتْ إنـّو
الأرْزْ رح يـِيبَسْ بَلاك !؟
يلّي بـِحضنـَك
كــــــــــــلّ لبناني ارتمى
وحسّ حالـــــــــو بْفرشتو وْهوّي
بْحِمِاك
لبنان بغنانيك
مــــــــــــــــا حْكيتوا بْوَما
حْكيتوا بْجَرَسْ صَوتـَك النازل مِن
سَمِاك
"لبنان مش قِطعِة
سما"...
هوّي السما
وْإنـْت قِطعة مْنِ السما
يــــــــــا هالملاك
يلّي إذا سِمعَك شي
ديب مْنِ الدياب
النعجـِة بـِصِير يْشوفهــــا
عزّ الحباب
يلّـي جَبرت
الصَخـْرْ يتحوّل حَرير
بَين القرار بْصوتـَك وْبيـــــن
الجَواب
يـــــا خارق
التاريخ بـِكتابو الِكبير
بْهالصَوْتْ رِيقـَكْ صَار حِبْرْ
بْهالكتاب
ضلّيت شبّ وشامخ
لْيوم المصير
بيصوتـَك وبيعقلَك الْكلّــــــــو
صَواب
ضلّيت شـــــبّ
بْوجّ مِنحبّو كْتير
وْعايش ع بَسْمِة خبّت عْلينـــا
العذاب
أيّا حَدا بْعمرَك
إذا عمـرو بطير
منقول عـــــــاش وكمّل سْنينو وغِاب
وْبدّو تـْمِان
سْنين تـا مِيّه يْصير
اللهْ يعيّشنا عــــــــــا قدّو....
بسّ إنـْت
منقولْ شبّ، وْيرحَــــمْ عْيون الشباب
"غِابت
الشَمْسْ وْبردِت النـَسمِه"
بْخجل
"والليل عذّبني يا ليلى"
وْمـــــــــا انحَمَل
"وعُصفورِة
النـَهريْن"
مــا قِدرِت تـْذيع
عَن صَوْت "صَافي" صَار مَا
عِندو عَمَلْ
يلّــــي حْمِلِت
"مِنجَيْرِة الراعي" الوَديع
وْشِفـْت "بْجبلنـــــــا دمّنا
تـْرابو انجَبَل"
"طلّ الصَباحْ
وْتكتك"
الطَيْــــــرْ البَديع
"واندقّ بــــــــاب البَيت"
والحيّ انطَبَل
فـْـتَحنا
"وْطلّوا حْبابنا" قـْبـــال الجميع
وْجابولنــــــــــــــا عنـّك
خـَبَرْ ما بْينقـَبَل
"وَلَوْ هَيْكْ
طـْلَعْتْ مِنـّا"
يــــــــــا وديع
مْنحْلــَــــــــمْ "عَا لَلهْ
تعُودْ عَا لَلهْ تعُودْ"
وْتصرَخـْلْنا
"جايين يــــــا أرْزْ الجَبَل"
البترون في
13-10-2013
|
