عتــمِة بدرب العيد

كانـت بْـعـيـدي عـن حبـيـبـا وكان جُوع

                                                                      جُوع العواطف نارْ شدّت بالطــــــلوع

ما شباط، أربعـتـش مِنــّو  فـــــي شموع

                                                                      بــْــتـرقص بساحـة راسها نار الضلوع

وْنَطرِت شي وردِة حُبّ بــتــنــقـــّط نِدي

                                                                      وِصْلِـتـلها وردِة عـَــــم تــنــقــّط دموع

                                                    -----------------------

نطرت شي مكـتـوب وْمَعُو حْروف الجداد

                                                                      الْ نميـو بدَوْرِة حبّ مرقـِـــت عالفـؤاد

وإلاّ بهوني بوسطجي حاني الـجـبـيـــــــن

                                                                      واصل تـيـابــو مشحترة بــْــفحم الرماد

                                                    -----------------------

ركضت وقالت هات شو حامل إلـــــــــي

                                                                      جايـي تـقــلـّـــــــي تـبسّم العِـمْر وْحلي

قــلا خمِـــــــسْ كلمات هــنــّي بْإخـتصار

                                                                      إنـتــــــــــي بعيد الحبّ صرتي أرملي

                                                    -----------------------

عالم بــإيدا ورْد أحمر عـــــــــــــم يفوح

                                                                      وعالــــم بـقـلبا شوك عم يرسم جروح

عالم على الجــنــّــة بلحـظـة عم تجـــــي

                                                                      وْعالم من الجــنــــة  بلحظة عم تروح

                                                    ----------------------

صارو الدواجن عالكواكب طايريـــــــــــن

                                                                      وصارو النسورة بــْـكــعب وادي واقعـيـن

وقـلب اللـّـي كان مفروض تِسْرَع دقــّــتــو

                                                                      وقــّــف علـــى الأخضر وكلــّــن ماشيـين

                                                    ---------------------

وهالعاشـقـــــة الْ قــلا حبــيــبا لــْــخاطرك

                                                                      بحني جْـبـيـن الدهــْــر تحــْـت قـــْــناطرك

نطرت يــقــلاّ للأبـــــــــــــــــــد نحنا سوى

                                                                      وعالعيـــــد راح بــْـلا ما قــلاّ بــْــخاطرك

                                                    ---------------------

وانــشقــّــت الدِنــيــي ما بـيـن العاشقــَـيـن

                                                                      وانشــقــت الدِنــيــي وْصارت دِنـيــتــيـن

ولمّا صخــــور الأرض غارو مــْن القلوب

                                                                      صارت توسّع جــرِحهـــــا بـيـن التـنـيـن

                                                    --------------------

شو هالدني العطشان ما بـيـبـلّ ريـــــــــــق

                                                                      والما بْــيـشرب مِنـتـلـــــي بْـإيدو البريـق

وعاشق بضوّي الشْمسْ مِن وهــــــج الحياة

                                                                      وعاشِق بضوّي الشمْـعْ عا روح العشيـق