نـام القلـم ضجــران

كان في شَمِسْ عم تِطلع وْتضوِي البلد

اختفيت وفجأة الجــــوّ غيّم  وانلبـد

قــالــــوا التّويني كمشتين تـْراب صار

قلتلهـن عــايش  وخـالـــــــد  للابد

جبران نحنــــــــا مْنعرفوا ديك النهار

جبران مـش ميّت، شهيــد بينحسـد

والديك لمّـــــــا يكون عندو قلبْ نــار

وعـم يزأر بْوج الوحوش الكاسـرة

هوّي الاسد بيكون مش غيرُو الاسد

تــارك قلـــــــم خلفك ورايح للبعيـد

وهيـدا القلم رح نِحملــــوا بيكل إيـد

ونكتب وراك وبعد ما نكتب نشوف

الكلمات عم ترقص كأنّو نهار عيـد

عـــا ذكر اسمك كلّنا منشمخ وقوف

مــــــا انْت حلفانك مغطّى عـالنشيد

انت اللي حطّيت النقط فوق الحروف

كــــانت نقط دمّـاتك وشفنا "النهار"

أوّل جـريدِة بْتكتب بـْدمّ الشهيد                        

نـــــام القلــم بـيغيبتك ضجــران

وبكــاس مِنْ خمر الحِبِر سكـران

وعــــــــا قدّ مــا يتسلّح الشيطان

لـــو فكّر سْلاحو قـــــوي غلطان

صْـواريخـــــن البينزّلو الحيطان

وإعصــارن الخلاّ الجبل غـرقان

مـش قد صرخة شعْبْ بّدو يعيش

ولا قـد شحطـة مِـــن قلـم جبران

رح نِقسم بْـــــربّ العظيم موحّدين

ومتمـاسكين وعــالامـــانِة بـاقيين

مش هيك بدك؟ حِلمك اليوم احتمى

بْفيّة جوانحنا نصــارى ومسلمين

كلّن عـــــم يصلّولك وْصَوتن سمـا

وبفضلك الدِينين صاروا فرْدْ ديـن

ويا ريت فيك تشقّ شبّاك السـما

بْـتقشع نصارى عـم يصلّوا عالنبي

وإسلام عا بواب الكنايس راكعين