أرز ما بيركع

يا بْلادنــــــا الأمجاد ع التلّي ازرعي

                                                    وْما دام عِندِك جَيشْ ، لا مــــــا تفزعي

عــــــا قدّمــــا يكبرْ رصيدي بالبنوك

                                                    إبنِك أنــــــا  وْإلا رصيدِك مـــــــا معي

يا كَوْن يمكن شِي نْهــــــــار يْركّعوك

                                                    وْيمكن تموتي يــا دِني وْمــــــا ترجعي

وْإنتي يا أرزي مْرجّفِي عَرش الملوك

                                                    خلقتــــي بدون رْكاب تا مــــــا تركعي

ويــــــــــا عَسكر بْلادي إذا بيحاربوك

                                                    بتقول للأرزات مِـــــن دمّـــــي اشبعي

وْإنْتْ مِتلْ الصخْرْ لـــــــــولا قوّصوك

                                                    بدهــا الرصاصة تستِحِـــــي مِن حالها

                    وْترجــع ع صِدْرْ اللّي طلقها بْلا وعِي

وْلمّــــــا الوفا بْتيّار هالحرْبْ انجرف

                                                    عِملـوا الوطـن مِتراس والعسكَرْ طرف

وْحلوِي العدالِة توقفْ وْتحمي العرين

                                                    بسّ اسمحولي بَعدمـــــا العِمْرْ انصرف

حَرّف بتذكرتي بأمْرْ مْــــــــنِ الحنين

                                                    وْلو كنْتْ شاعِر صِدْقْ بالصِدق انعرف

تازعبــــــر بْعمري تلات أربَع سْنين

                                                    وْقلّن أنـــــــــا مطلوب ع الجيش الأبي

                 وْإقشع بحالــــــــي وإلبس تْياب الشرف

نيّال يلّــــي بَدلِــــــة الجيشْ ارتدى

                                                    وْنَجــْــــــمْ السمـا ع كْتاف مَرجلتو بدا

وْيــــــــــــــا جيشنا بْأجدادنا ْأولادنا

                                                    وْروّادنا وْقوّادنا الكـــــــــــــــلّ اهتدى

وْببلادنـــــــا بْأعيدنــــــــــا وْآحادنا

                                                    بِجهادنــــــــــا وِعْنادنـــــــا رْفعنا النِدا

وْطيرَك شدا وْنحنا صَدى مَجْد الفِدا

                                                    وْمهما اعْتدى سَيف الرِدى لآخِرْ مَدى

حتّى يْطيب العيش ما بعرِف ادّيش

                                                    غَيــــْـــــرْ الوطنْ والجيش ما بَدنا حَدا